صفات المواطن السوري!!!!

-بيفهم في الطب ويشخص المرض ويوصف الدواء

-وبيفهم في النقاش والكهربا وتصليح السيارات والطبخ والسياسة والطابة

-بيحط الريموت كونترول في كيس نايلون حتى ما يتغبر

-يقف يتكلم على الباب نص ساعة بعد إنتهاء الزيارة والسلام

-في خزانة المطبخ عنده عشرين قطرميز مربى فاضي منشان إذا احتاج يستخدمها ومازال مُصِر على جمع المزيد

-بيحكي بصوت عالي في المكالمة الدولية منشان التاني يسمعه

-بيعتبر حاله أفضل واحد في الشراء والمفاصلة بعدين بيكتشف إن الشي في المحل يلي جنبه أرخص من غير مفاصلة

-يحتفظ بأكياس محلات اللبس والأحذية وورق الهدايا تحت الفرشة لسنوات من مبدأ : إلا ّما يلزمو

-بيشتري قبل الإفطار في رمضان ألف نوع حلو

-عنده منقل شوي للرحلات يستخدمه مرة واحدة أو3

مرات إن كترت

-بيفكر إن أي حدا بيشتغل في الخليج بيغرف مصاري من غير

حساب وأغنى واحد في الدنيا

-بيكون مشغول بقيمة البخشيش طول العشا

ياترى أعطي 25 ولا 50؟؟؟

-بيتخانق ساعة دفع الحساب بحرارة شديدة على إنه هو اللي لازم يدفع وقلبو عم يقول حق .. بق

-بيفرش شرشف التخت على طقم الكنب منشان الكنب ما يتوسخ، ولما يجوا الضيوف بيترك الشرشف و ما بقيمو

-بينتظر بفارغ الصبر بياع المحارم أبو : الـ7 بمية المحارم ليموّن لشهرين عالأقل

-اذا ركب تكسي... طول الطريق بيطلع عالعداد

-عندو التخبيص بلعبة الشدة مصيبة .. وممكن يخسر رفيقه مشان برتية*

مزبوط !!!! ولا كلامي غلط ؟؟؟
لا تفهموني غلط عم احكي بشكل عام إلا ماتكون شي وحدة منهم صحيحة!!!!

والله كلامك كلو صح شكرا عالموضوع الرائع

والله السوريين بيفهمو بكل شي ومو معقول تلاقي صغير أو كبير إلا بيحكي بكل شي بيعني أو ما بيعني
عم نــكـتــ

» الساحل السوري
» طرطوس ..الساحل السوري
» المرحله الرابعة من الدوري السوري